أشرف السعد إعلاميا

[شريف عنتر]

انا بسأل ليه الشعب المصري معلوماته عن أشرف السعد انه واحد هرب برة البلد بفلوس المصريين
ونصب علي الناس
وسرق مصر
وبيقولوا عليه كمان خاين
ومتستر وراء ستار الدين
ليه أشرف السعد مبيحاولشي يدافع

*** اه انا عارف ان الحاج اشرف بيدافع وكل حاجة بس مش كفاية ومش كل الناس بيتفرجوا علي قناة المستقلة لآ انا عايز كل واحد في مصر يبقي عارف قصة أشرف السعد
وده مش هيجي غير بالاغراق العلامي
بمعني لازم نوضح ان اشرف السعد اتظلم وقد ايه الدولة صورته انه سرق فلوس علي الرغم انه عكس كده تماما
وده مش هيحصل الا باللقاءات المستمرة مع الفضائيات ذات الشعبية زي مثلا
علي سبير الذكر وليس الحصر

* عمرو أديب "برنامج القاهرة اليوم"........قناة أوربت
* مني الشاذلي "العاشرة مساءا"..............قناة دريم
*معتز الدمرداش "90 دقيقة"..................قناة المحور

أما بالنسبة للتليفزيون المصري
* تامر أمين "البيت بيتك"..................القناة الثانية المصرية وأيضا الفضائية المصرية

وعلي مستوي الجرائد نشوف صحفيين نخليهم يتبنوا تصحيح الصورة بالنسبة لأشرف السعد

وطبعا ده مش هيجي الا من خلال الصحف فمثلا :
"المصري اليوم ، الدستور ، اليوم السابع ، الوفد ، الشعب"


علي فكرة أنا واحد من الناس كنت فاكر ان أشرف السعد إنسان لا يهمه الا الفلوس ولا يهتم بمصالح الناس
وكانت كل فكرتي عنه انه واحد سرق فلوس المودعين وخرج بيها برة البلد وعلي فكرة دي فكرة ناس كتير عنه
أنا أتمني ان الفكرة دي تتصحح عند الناس
لآن الظلم وحش قوي

أتمني أن الحاج أشرف يرد علي الموضوع لآنه اكتر واحد يقدر يوضح

والسلام ختام
شريف عنتر

[رائد]

صحيح ...على كل وسائل الاعلام ..وعلينا بكل ما نستطيع ..ان نوضح الصورة الحقيقية للحاج اشرف ..وغيره من الرجال الشرفاء ...

[حازم حمدي]

السلام عليكم ورحمة الله وبركاته
معاك تماما يا شريف انا كنت كل الي اعرفة عن الفترة بتاعت التمنينات دية والتسعينات ان ناس خدت الفلوس الناس اي حد يسال عن الريان او السعد يقولوا لية حاجة وحدة دة اكبر نصااب جة في تاريخ مصر لازم الناس تعرف اية الي حصل ودة فعلا مش هيجي الي بالبرامج المشهوورة زي الي قالها شريف بس يمكن في صعووبة في البرامج دية طول ما الحج سعد موجود في لندن فمكن يكون الموضوع بشكل تاني وعن طريق المنتدي وهية تسجيل لقاء للحج سعد وينشر علي المنتدي ونقوم بحملة اعلانة كبيرة نقول فيها اية الي حصل لية القضاء علي قومة ماالية واستثمارية في مصر لو كانت اترشدت كان حال مصر كان ممكن يكون حاجة تانية انا هكتب بالفكرة دية موضوع

[شريف عنتر]

هوا ده كان قصدي بالظبط يا رائد انت وحازم
ويارب بس نقدر نعمل حاجة لرأس المال الشريف ونقدر نزيل الظلم علي قد ما نقدر
وارجو كل الاعضاء ان يقولوا رأيهم بصراحة في الموضوع ده


والسلام ختام
شريف عنتر

[أحمد أبوزيد]

السلام عليكم ورحمة الله وبركاته
أهلا بيك يا شريف
وأهلا بفكرة موضوعك
هوه فعلا زى ما انت تكلمت فى موضوعك
أنا نفسى لمست ده
ديما لما كان يثار موضوع أو نقاش حول أشرف السعد كنت أفاجىء بما أسمع وأحاول بقدر المستطاع ان ادافع لمعرفتى ببرأته وبما قد عانه وقد فعله بعيد حتى عن التجاره من أمور لمستها وأعمال خير وخدمات للكثير

فكان يترك فى نفسى هذا أثر حول ما يأخذه زملاء جيلى حول كيان أِشرف السعد
وتقصير الأجيال التى عاثرت أشرف السعد وعدم سعيها لتوضيح الحقائق
وصمتها
بل كان الأكثر ألم
هو تركهم للأمر وأنقالبهم للضد بل كان منهم من ساعد فى نهب تلك الأمبروطوريه

فالحمد لله الذى أظهر الحقيقه وأصبحت ملىء الأرض
وأن شاء الله من خلال هذا المكان وبتواجد أمثالك من الحرصين على العمل وأصحاب الفكر الناضح
سنوصل الكثير من الحقائق
وسندعم هذاالكيان لكى يظهر بصورته الحقيقة أمام الجميع

دمت بكل خير
وشكرا لتواجدك وموضوعاتك المثمرة

[moneem]

الله يعينك ياحاج اشرف وربنا معاك

[هويدا]

بسم الله الرحمن الرحيم
فعلا موضوع هام جداااااااااااااااااااااااااااااا
وانا فعلا بدات بنفسى وبدات اتحدث مع زملائى واتناقش كثيرا معهم واصحح لهم الصورة التى براسهم
وربنا ينصر الحاج اشرف ياااااااااااااااااارب

[طيبة محمد الشريف الإدريسي]

لماذا لاينشيء الأستاذ أشرف السعد قناة تلفزيونيه وإذاعيه

موجهه للمصريين والعرب لها توجه الذود عن قضايا أمتنا

ومن ضمنها قضيته

القناة أسرع فى الوصول لها من أي وسيلة أخري

إذا نشرت أخبار بإقامتها

[safaa alamoudi]

أؤيد فكرة الاهتمام بالإعلام








كما سأعمد إلى بناء الجيل القادم لأن الجيل السابق ولى وانتهى والحاضر لا مجال لإصلاحه



فسأهتم بالإعلام بكافة مجالاته المرئية والمسموعة والمقروءة




وبما لدي من معرفة عشتها وخبرات اكتسبتها في تعاملي مع مختلف الطبقات والمستويات الفكرية والاجتماعية وحتى الدينية ..!





لأصنع جيلاً جديداً منهاجه القرآن والسنة وشعاره أينما يكون :




( احفظ الله يحفظك )




فـ كما حفظ الحاج أشرف ربه في دينه عندما أقبلت عليه الدنيا - كما نحسبه - حفظه الله عندما أدبرت عنه.






لعلي هكذا كنت سأفعل إن كنت مكان الحاج أشرف ..!

[Ahmad]

السلام عليكم جميعا

اعتقد ان الموقع دة واحدة من صور الدفاع عن الناس المحترمة فى مصر و علي رأسهم الحاج اشرف و كمان قناة زي قناة المستقله صورة اخري انا ما كنتش اعرف شكل الحاج اشرف اصلا الا و انا بقلب بين القنوات قدرا لاقيت واحد بيتكلم عن مصر و بصورة تلقائية و بيتكلم الكلام اللي بيدور فى اذهان الملايين من المصريين فشدني لاسمعة فطلع هوة الحاج اشرف ( ربنا يبارك فية )
عايزيين ننشر الموقع دة بين الشباب و الناس و كمان ممكن نبعت ايميلات دعائية عبر الانتر نت و دة طريقة اعتقد انتم اعلم بيها مني , كل شوية على ايميلي الاقي ناس بتبعت يميلات دعائية انا معرفش تتعمل ازاي ( اكيد انتم اعلم مني )
انا بعت لاصحابي اللي اعرفهم
و كمان في اي برنامج يطلع فية الحاج اشرف ارجو انه ما يسكتش للمذيع او المذيعة او الضيوف اللي بيستهبلو و بيتكلمو بطريقة مش كويسة ( بس بهدوء ) لاني بكون متضايق جدا لما يكون واحد بتكلم على ان الحاج اشرف سرق الفلوس و هرب و معظم اللي بيتكلمو دول بيكونو عارفين الحقيقة بس بيستهبلو ( ما تسكتش ليهم و لا تجاريهم يا حاج اشرف )
تحياتي

[بدوى اصيل]

وجدته مو ضوع جميل وقد تحقق المراد منه فرفعته لاقول للاخ شريف شكرا

[معقد]

الذين يثيرون الجدل بين الناس دون علمٍ منهم .. هم الناجحون..

و الابطال لا يتوّجون ..